Irakaskuntza digitala: Zein da gure erronka?

Kaixo Bloggide maiteok!

Ikusten duzuenez bueltan naiz berriz ere, 2016an baina bueltan.

Aurten Irakaskuntza digitala irakasgaian murginduta nabil, teknologiari buruzko mila gauza interesgarrirekin. Nola landu teknologia ikastoletan, baldin eta gu baino azkarrago badoa? Nola ezarri teknologia umeek edukiak era esanguratsu eta dibertigarri batean ikas dezaten? Nola ulertu teknologia metodologiak berritzaile bihurtzeko tresna bezala, baina euskarri berberekin transmititutako txapa berbera ez izaten saiatuz?

Bada, hori da gure erronka. Gure erantzukizuna irakasle bezala. Hezkuntza errealitatean oinarritutako eta jakintzak transmititzeko eta sortzeko instituzioa denez gero, teknologia erabili eta horretaz baliatu beharra daukagu, hura baita errealitatea.

Hala ere, teknologiaren erabilgarritasuna ez du esan nahi berritzailea denik. Ez da berritzilea izango, baldin eta metodologiak eta irakasteko erak ez diren aldatzen. Ezin dugu, adibidez, paperezko liburua tablet batera pasatu eta hori berritzailea dela pentsatu. Hori euskarri ezberdin bat erabiliz ematen den edukien erreproduzio bat besterik ez da. Beraz, teknologia LAGUNTZA bat da, aldaketarako laguntza iugarria, baina gu, irakasleok, gara aldaketa horren erantzuleak eta eragileak.

Hurrengo sarreretan honi guztiari buruz hitz egingo dugu eta baita gauza interesgarri askori buruz. Guztiok parte hartu eta ikasi ahal izangu dugu.

Eskerrik asko eta ongi etorri.

Hurrengora arte!